香港新浪網 MySinaBlog
« 上一篇 | 下一篇 »
小蓓 | 4th Feb 2007, 04:35 | 生活鎖事 | (12748 Reads)
今日的經歷,只能嘆句,耳仔無端百事活受罪!

放假睡到下午兩點幾,精神奕奕的出門口往做gym。相約同事到灣仔的California Fitness等。(原本都不想開名,但實在太激氣了!) 準備上四時多的Body Combat堂,一連串衰運就此開始。

整間灣仔Club還未裝修好,但局部已經完成好裝修,包括地方極細的studio。可能今日是星期六,加上Body Combat從來都吸引很多人上堂,今天便是超多人上堂。兩隻手伸直已經可以碰到隔離左右的人,實在想像不到可以怎樣安全地完成一個踼腿或者勾拳的動作。由於人多,我和朋友被迫選了個對正大喇叭的位置。沒錯,是大喇叭,不是小喇叭!(下省十句粗口...) 今日的instructor超級吭奮,不斷大聲狂叫狂笑,意圖帶領大家的氣氛,對不起,先生,你是用咪講野的,知不知間房咁細,你大聲到仲要有回音,會震爆我們的耳膜?根本沒有人理他,他自顧自的繼續hyper狂叫,更變態地將音樂越扭越大聲,最後音樂變得是超大聲。要知道Body Combat的音樂全部都是節奏強勁的fing頭音樂,我和朋友對正喇叭,還要邊聽音樂,邊聽instructor狂叫。當時完全感覺整間細小的studio的聲浪至少有一百分貝。不久我已感到少許耳鳴,於是舉手向instruction提出要求將音樂扭細一點。

Instruction的回應簡直令我當堂要叫佢一聲李老闆!他沒有扭細音樂不特止,還跟我說音響是不能調低的,喇叭是set死了的,如果嫌大聲可以站到中間位置遠離喇叭。真係火都嚟埋,當著他面我說,我只想來專心做gym做body combat,而不是想去disco。你間房咁細人又咁多,一眼睇哂無位啦,企到中間位置?點企?一怒之下跟朋友即走,去到接待處投訴。這個instructor完全不理會人的感受,實在是太過份!結果在樓下一層做跑步機,過了一會雙耳還感到很刺痛,最搞笑是仍然可以清晰聽到樓上一層studio的音樂!我絕對有理由相信這個instructor是近乎聾的!

做完gym沖完涼洗完頭後,順手用女更衣室內附設的棉花捧清理耳窿抹乾耳窿內的水。嘿,衰運又來了。清理完一邊,用棉花棒另一頭清理另一邊耳仔,一伸進耳窿已感到不對勁。慌忙拿出棉花棒一看,說時遲那時快,原來整個棉花甩了留在耳窿內,我拿出來的只有光脫脫的膠棒。當時大驚之下,試圖用膠棒小心翼翼的想liu番舊棉花出來,但又擔心棉花被越推越入後果會更嚴重。搞了很久也不成功,朋友細看之下,清楚看到棉花塞在耳窿的末端。我心想要去急症室,朋友提議買眉鉗鉗舊棉花出來。離開時,我們經過接待處,循例跟職員講一聲。

我開宗明義說並非來投訴,只是想將情況告訴職員作一個警剔,因為更衣室的棉花棒似乎很化學。當時的兩名女職員及一名男職員不知所措,不斷講對不起之餘,馬上知會另一名應該是較高級的男職員。誰知,那個男的聽完後第一個反應是漠不關心的說「咁點呀?」,然後轉身打算行開。若非聽到這個男職員如此態度,我也不會發火。我當時即時搶白說,係囉,咁點呀,我都唔知點呀,我都唔知點解會喺你地呢間California用左棉花棒之後,舊棉花會甩左喺耳仔入面。如果舊棉花甩左喺你耳仔入面,你又會點呢?你咁樣對你地啲顧客架咩?有冇理過顧客感受呢?我去消委會投訴唔知你又會點呢?男職員當堂態度180度轉變,又話我誤會左佢既意思,佢果句「咁點呀」其實係想知道有甚麼可以幫到我。嘩!咁都得?我完全唔覺佢係咁好心囉,即時mark低佢個名。佢即刻話幫我去搵一個鉗來鉗番舊棉花出來。我問他有甚麼鉗,他說他有一個鉗隱形眼鏡的鉗......我同朋友哭笑不得......有無常識架?他到底知不知道一個夾contact lens的forcep有多大?請問如何放進耳仔入面呢?你唔好拎隻蟹鉗俾我!給我再痛罵一頓後,他終於找來一個眉鉗。沒有電筒,唯有出動手提電話內置的燈來照射著耳仔;再出盡九牛二虎之力,我的朋友終於幫我將棉花成功拿出。

臨走時,那個男的還要送上一句「咁即係無事啦而家?」,頂,係咪想我有事呀?完全係心靈受到創傷,白白受驚一場。身為服務行業的一員,竟然如此不專業,態度如此輕佻,對客人如此無禮,即使在街上俾你拉多十個客人又如何?服務如此低劣,只會惹來惡名,怎能留得長期客人呢?


[1]

oh my god!!!!
好彩鉗到出!!!!


[引用] | 作者 小蕾 | 4th Feb 2007 07:20 | [舉報垃圾留言]

[2]

Bwahahaha..

California Fitness is famous for their customer dissatisfaction ga lah. Next time, forget Body Combat, just run on the treadmill for 30 minutes. Work wonder. You get so high, you can't sleep at night.


[引用] | 作者 Donkey Kong | 4th Feb 2007 11:08 | [舉報垃圾留言]

[3] Re:
小蕾 :
oh my god!!!!好彩鉗到出!!!!

我都係咁諗,其實果一刻都咪話唔驚!而家見到棉花棒都怕怕了!


[引用] | 作者 小蓓 | 4th Feb 2007 12:32 | [舉報垃圾留言]

[4] Re:
Donkey Kong :
California Fitness is famous for their customer dissatisfaction ga lah. Next time, forget Body Combat, just run on the treadmill for 30 minutes.

我諗我都係去番銅鑼灣club好啲啲,雖然更衣室又可能會無水,但studio大好多,body combat的instructor又專業好多囉~


[引用] | 作者 小蓓 | 4th Feb 2007 12:34 | [舉報垃圾留言]

[5]

佢應該前兩日遞左辭職信先會咁玩呢。哈哈。


[引用] | 作者 terence | 5th Feb 2007 03:55 | [舉報垃圾留言]

[6] Re:
terence :
佢應該前兩日遞左辭職信先會咁玩呢。哈哈。

好明顯啦!!!若果唔係遞左信,最大可能係搏炒囉!!!


[引用] | 作者 小蓓 | 5th Feb 2007 18:06 | [舉報垃圾留言]

[7]

我亦曾經受到California Fitness的不禮貌對待而憤然離開的會員。我以為只有佢地
D SALES先有問題﹐估唔到你會有D咁不幸的對待。都係FITNESS FIRST好D﹐起碼我
參加左佢地個GYM兩年幾(OR 三年?) 都從未投訴過!不過下下叫你去太古坊PCCW又幾
難為!


[引用] | 作者 姜阿牛 | 5th Feb 2007 22:11 | [舉報垃圾留言]

[8]

投訴!!!!!!!!!!!!!!!!!!!!!一定要投訴


[引用] | 作者 東宫 | 5th Feb 2007 22:18 | [舉報垃圾留言]

[9]

口圭 口合 口合 !
實在太爆笑了 !
我今日都做完yoga,
都有搵綿花棒清理耳仔...
好彩無發生類以事件。
其實cf 一直都嘛嘛地...
見佢地用大哥做代言人就知啦。
咪麻啦 !
轉會啦 !
(我雖然不留情面的取笑你...但係仍然對你的悲慘遭遇感到遺憾 !)


[引用] | 作者 美寶 | 5th Feb 2007 22:49 | [舉報垃圾留言]

[10]

間間占都係咁架啦,
我係飛色高都係咁,
locker成日有垃圾
我次次都想投訴
但最後都懶得做
睇黎都要認真投訴下


[引用] | 作者 多啦旺 | 5th Feb 2007 23:24 | [舉報垃圾留言]

[11]

"不過下下叫你去太古坊PCCW又幾
難為!"

Isn't that closer to your home than Wan Chai? After workout, feel free to stop by my flat for a tea. :)


[引用] | 作者 Donkey Kong | 6th Feb 2007 01:22 | [舉報垃圾留言]

[12]

咁衰, 就講給多些人聽, 唔好入會


[引用] | 作者 Florence | 6th Feb 2007 03:24 | [舉報垃圾留言]

[13] Re:
姜阿牛 :
我亦曾經受到California Fitness的不禮貌對待而憤然離開的會員。我以為只有佢地D SALES先有問題﹐估唔到你會有D咁不幸的對待。都係FITNESS FIRST好D﹐起碼我參加左佢地個GYM兩年幾(OR 三年?) 都從未投訴過!不過下下叫你去太古坊PCCW又幾難為!

我邊有你地咁富貴參加fitness first噃!!! =P


[引用] | 作者 小蓓 | 6th Feb 2007 09:56 | [舉報垃圾留言]

[14] Re:
東宫 :
投訴!!!!!!!!!!!!!!!!!!!!!一定要投訴

我一路發火一路諗起你啦...比著係你遇著同樣事,我諗d sales一早俾你剷到上天花板繼而爆粗問候激到噴血而死...
哇哈哈哈哈~


[引用] | 作者 小蓓 | 6th Feb 2007 09:58 | [舉報垃圾留言]

[15] Re:
美寶 :
口圭 口合 口合 !實在太爆笑了 !我今日都做完yoga,都有搵綿花棒清理耳仔...好彩無發生類以事件。其實cf 一直都嘛嘛地...見佢地用大哥做代言人就知啦。咪麻啦 !轉會啦 !(我雖然不留情面的取笑你...但係仍然對你的悲慘遭遇感到遺憾 !)

太太太太過份啦你!!!! 係咁口圭口合口合,離哂譜!!!!!!!!!!!!!!!!! =P
唉,當年參加都係貪佢近嘛,而家都無計啦。尋晚在屋企用棉花棒都有啲驚恐症發作!!!


[引用] | 作者 小蓓 | 6th Feb 2007 09:59 | [舉報垃圾留言]

[16] Re:
多啦旺 :
間間占都係咁架啦,我係飛色高都係咁,locker成日有垃圾我次次都想投訴但最後都懶得做睇黎都要認真投訴下

睇怕真係要join文華果挺gym club先至會有五星級服務!!!


[引用] | 作者 小蓓 | 6th Feb 2007 10:00 | [舉報垃圾留言]

[17] Re:
Donkey Kong :
Isn't that closer to your home than Wan Chai? After workout, feel free to stop by my flat for a tea. :)

都要你在香港先得假!!無啦啦上你屋企咩!!! =P


[引用] | 作者 小蓓 | 6th Feb 2007 10:01 | [舉報垃圾留言]

[18] Re:
Florence :
咁衰, 就講給多些人聽, 唔好入會

無錯!!!請幫手傳開去!!!





california!!!!!!!!!!!!!!!!!!!!!!!


[引用] | 作者 小蓓 | 6th Feb 2007 10:02 | [舉報垃圾留言]

[19]

其實…………其實會唔會你耳仔有牙咬住左呢?呵呵。

不過幸好無事。


[引用] | 作者 Alex | 6th Feb 2007 10:28 | [舉報垃圾留言]

[20] Re:
Alex :
其實…………其實會唔會你耳仔有牙咬住左呢?呵呵。
不過幸好無事。

嘩...耳仔長出牙???都幾恐怖噃...呵呵呵~ 可能係千年耳屎黏住左舊棉花...哇哈哈哈哈哈~ (自己都覺得核突左啲啲添~ =P )


[引用] | 作者 小蓓 | 6th Feb 2007 10:53 | [舉報垃圾留言]

[21]

我就反而有一個建議
你應該用第二枝棉花棒
塞埋另一隻耳仔
跟住返去做 Body Combat
跳完之後先投訴佢
點解跳完Body Combat
會有花跳左入你對入邊
食硬佢呀
到時成世比你免費用都得呀
係咪?


[引用] | 作者 聞尚書 字大夫 洋名:ky | 6th Feb 2007 16:07 | [舉報垃圾留言]

[22] Re:
聞尚書 字大夫 洋名:ky :
我就反而有一個建議你應該用第二枝棉花棒塞埋另一隻耳仔跟住返去做 Body Combat跳完之後先投訴佢點解跳完Body Combat會有花跳左入你對入邊食硬佢呀到時成世比你免費用都得呀係咪?

下...咁都得?
咁不如我將啲棉花塞入你個鼻哥窿,又或者你個口,又或者你個xx入面,然後話你趕新聞搞到咁,叫阿姐加你人工仲好啦!!!
哇哈哈哈哈~


[引用] | 作者 小蓓 | 6th Feb 2007 17:59 | [舉報垃圾留言]

[23]

如果做左
有人工加
我都願意呀
錢錢錢錢
$$$$$$$$$$
$$$$$$$$$


[引用] | 作者 聞尚書 字大夫 洋名:ky | 8th Feb 2007 00:14 | [舉報垃圾留言]

[24] Re:
聞尚書 字大夫 洋名:ky :
如果做左有人工加我都願意呀錢錢錢錢$$$$$$$$$$$$$$$$$$$

有$$$$$$$$$$$$係咪乜都肯做先,阿大夫???
嘿嘿嘿... (奸笑中...)


[引用] | 作者 小蓓 | 8th Feb 2007 05:34 | [舉報垃圾留言]

[25]

0.0........無言~叫咩名條友?


[引用] | 作者 cheerup | 30th Apr 2009 00:31 | [舉報垃圾留言]

[26] you need your own studio

Hi Lady,

I am a life member in CF for 10 years. I'm satisfied with their services which provide a 100% professional service to all member in a reasonable price in Hong Kong.

Club is provide service for all member and not for YOU only. Please use your brain to analyze the problem before you make a complaint.

You are a selfish person who only concern about your own interests and ignore others and someone who don't have common sense.

Lady, grown up.........Cheers


[引用] | 作者 A CF life member | 2nd May 2009 12:27 | [舉報垃圾留言]

[27] California FITNESS事件

你同你朋友個陣時應該報警call白車,攪大件事嘛,睇果個職員點死! 你一話要報警call白車,包嚇死佢.由醫務人員替你治療,好個自己黎!安全D嘛!但無事就好.

California FITNESS.受害者上


[引用] | 作者 JokerROSE | 3rd Jul 2009 22:11 | [舉報垃圾留言]

[28] dfg

sdfds


[引用] | 作者 gfd | 25th Aug 2009 12:27 | [舉報垃圾留言]

[29] DONT GO to CALIFORNIA! ALL SALES PEOPLE!!!

I have been a California Fitness member for almost 10 years. I used their facilities in Asia during my high school years and in the US when I was in college. I have been very satisfied with everything until I arrived in HK and started using the Central California Fitness gym. At least three times a week, I am bothered by trainers that are like sales people and are trying to sell me personal training classes. The managers and receptionists keep on bothering me when I check in or call my cell phone a few times a week, on a rotational basis, to persuade me to change my membership over to the HK office, so they can collect my monthly payments. It clearly stated that I can use my US membership for 3 months at overseas Cali facilities. When I finally decided to sign up for personal training, they put on an act saying that they never gave any member such low rates and told me not to tell anyone because they couldn't ever give such low rates for personal training classes again. And then I found out after I signed that I was actually paying over 100 HKD more per a training session than two of my other friends. That was my fault for not doing some research on the internet and being so stupid to believe and trust these salesmen/trainers. Also, please note that nothing is refundable with California. It is written in very small text and worded very unclear. It is not like the US where there is a 5 day refund grace period. Furthermore,the HK Central California Fitness will not tell you that all sales are final. I would strongly recommend that people considering a gym membership to try Fitness First or Pure Fitness. Fitness First is about 150 HKD/ month more and Pure Fitness is about 500 HKD/month more than what you will pay monthly at California Fitness. But you will not be continuously pestered by salespeople/trainers. However, if your budget only allows you to go to California Fitness, please be aware of the salespeople/trainers, they will do anything and say anything to get you to sign up for personal training session. I have almosted used up my 35 personal traing sessions and have only made minimal improvements. They will only let you improve a little and then try to sell you a large package of classes (over 100 classes), saying that you can improve so much more and you have so much potential, you just need to stay with them longer so they can teach you more. They are not really interested in you body improving, they are only trying to figure out how they can get u to sign up for even more classes. On 3 occasions during my training session, ,my personal trainer has took up 15 minutes of my session trying to convince me to buy more classes. Please do not make the same mistakes I have made. I intended to cut my membership with California Fitness when my training sessions end and join either Fitness First or a martial arts gym. Lastly, I would like to say that this is for the Central California Fitness. I do not know if the other HK California Fitnesses are like this. I would gladly be happy to share with you the names of the sales people and trainers who had cheated me and to avoid so that you can save your money for more important and meaningful things. This was one of my biggest regrets but I can only think of it as a tough lession that I learned for the future.


[引用] | 作者 E. Tam | 25th Aug 2009 13:40 | [舉報垃圾留言]

[30] 管理不善的California Fitness

California Fitness D trainer 同 Sales 是角色混淆的, 跑緊跑步機d trainer 都來sell 你o野, 攪到我後吞兩步, 真係好人都比佢攪到行路打倒吞. 我起哲玩完20堂PT 後一定一定唔再比$ join其他什麼拉根, kickboxing, 大拿拿$800一堂.痴鬼線.他們的手法, 一定keep唔住d舊客.做埋團購$80, 比我$0有回贈都唔會再參加. Book 了堂都可以比教練放飛機,想玩機或join Xgroup班又多街客多到好似街市錦.D舊客立時變得完全無定企.


[引用] | 作者 California Fitness Customer | 14th Jul 2011 16:30 | [舉報垃圾留言]

Next