香港新浪網 MySinaBlog
« 上一篇 | 下一篇 »
小蓓 | 6th Aug 2009, 01:30 | 暢談電影 | (185 Reads)
好不容易才等到八月五日,失望之餘,但又幾抵睇。

一連四晚看了三晚電影。先是《竊聽風雲》,之後是《醉爆伴郎團》,再來是今晚的《復仇》。

對三套戲都有期望。三套戲都有笑料,而且,居然是一套比一套好笑!

《竊聽風雲》,演員都交足戲,不過不失。稍嫌某些橋段熟口熟面,但整體也算是不錯的一套港產片。

《醉爆伴郎團》,有同事看了首映後極力推介。果然,真的笑到反肚,減壓一流。其實只是一套極低成本的電影,但效果意想不到,據說在美國本土也有不俗的票房。劇中唯一認得出有份拍《收錯愛情風》的Bradley Cooper。

如果說《醉爆伴郎團》是一套低成本喜劇,那麼《復仇》一定是高成本的笑戲。

由入場一刻已得啖笑。戲院職員大大聲呼叫「復仇既呢邊,復仇既呢邊」,好像叫你報仇埋便。事前沒有看影評,連trailer也沒有看。懷著期待的心情,結果,出乎意料地爆笑。爛,超級爛。或許有人會受,但整套戲太造作了,造作得令人發笑,太多位刻意得過了火。原先也辛苦地忍著,直至兩旁友人都在極力忍笑時,終於按捺不住大笑出來。

不明白,是否要擠身康城影展,就非要用這類看似很高檔的手法去拍一部電影不可呢?朋友的結論是,想割櫈。至於我嘛,原來殺手行業也走上國際化,做殺手至少需懂得三種語言。

 


[1]

咁大鑊?妳唔係而家重笑緊嘛!我未睇,淨係睇左條trailer,不過都知道大概係D乜野(過份版既「放。逐」?)


[引用] | 作者 Frankie | 6th Aug 2009 19:25 | [舉報垃圾留言]

[2] Re: Frankie
Frankie : 咁大鑊?妳唔係而家重笑緊嘛!我未睇,淨係睇左條trailer,不過都知道大概係D乜野(過份版既「放。逐」?)</blockquote>

今日諗番都真係仲想笑!套戲完全係over哂!


[引用] | 作者 小蓓 | 6th Aug 2009 19:34 | [舉報垃圾留言]